mujhe meri wafaon ka faqat itna sila dena

mujhe merī vafāoñ kā faqat itnā sila denā

chalā kar tiir nazroñ se mujhe bismil banā denā

ujālā māñgne aayā hai sūraj bhī tire dar par

haTā kar ruḳh se zulfoñ ko zarā mukhḌā dikhā denā

pyāsā huuñ tirī mahfil meñ aayā huuñ maiñ ai saaqī

mujhe bhī ras-bharī āñkhoñ se jām-e-mai pilā denā

ye ādāb-e-mohabbat hai tire qadmoñ pe sar rakh duuñ

ye terī ik adā hai pher kar muñh muskurā denā

yahī īmān hai apnā yahī apnā amal 'kāvish'

sanam ke ik ishāre par har ik shai ko luTā denā

mujhe meri wafaon ka faqat itna sila dena

chala kar tir nazron se mujhe bismil bana dena

ujala mangne aaya hai suraj bhi tere dar par

haTa kar ruKH se zulfon ko zara mukhDa dikha dena

pyasa hun teri mahfil mein aaya hun main ai saqi

mujhe bhi ras-bhari aankhon se jam-e-mai pila dena

ye aadab-e-mohabbat hai tere qadmon pe sar rakh dun

ye teri ek ada hai pher kar munh muskura dena

yahi iman hai apna yahi apna amal 'kawish'

sanam ke ek ishaare par har ek shai ko luTa dena