hai ek makan aur ek makin tu aur nahin main aur nahin

hai ek makāñ aur ek makīñ tū aur nahīñ maiñ aur nahīñ

hai naam usī kā haq-ul-yaqīñ tū aur nahīñ maiñ aur nahīñ

tū laakh chhupā.e ḳhud ko magar maiñ ne to tujhe pahchān liyā

ab dhoke na de o parda-nashīñ tū aur nahīñ maiñ aur nahīñ

har naaz tirā ye kahtā hai har ek adā se zāhir hai

kahne ko tirā āshiq huuñ magar tū aur nahīñ maiñ aur nahīñ

le khīñch le tū talvār apnī maiñ sar ko jhukā.e letā huuñ

haañ soch magar ai zohra-jabīñ tū aur nahīñ maiñ aur nahīñ

tasvīr tirī dil meñ hai sanam paikar meñ tujhe apne paayā

bas maiñ huuñ jahāñ tū bhī hai vahīñ tū aur nahīñ maiñ aur nahīñ

tū laakh kare inkār magar bātoñ meñ tirī kaun aatā hai

īmān mirā ye merā yaqīñ tū aur nahīñ maiñ aur nahīñ

ye raaz hai 'kāvish' ne paayā chaukhaT pe terī ai jān-e-jahāñ

kahtī hai ye jhuk kar us kī jabīñ tū aur nahīñ maiñ aur nahīñ

hai ek makan aur ek makin tu aur nahin main aur nahin

hai nam usi ka haq-ul-yaqin tu aur nahin main aur nahin

tu lakh chhupae KHud ko magar main ne to tujhe pahchan liya

ab dhoke na de o parda-nashin tu aur nahin main aur nahin

har naz tera ye kahta hai har ek ada se zahir hai

kahne ko tera aashiq hun magar tu aur nahin main aur nahin

le khinch le tu talwar apnī main sar ko jhukae leta hun

han soch magar ai zohra-jabin tu aur nahin main aur nahin

taswir teri dil mein hai sanam paikar mein tujhe apne paya

bas main hun jahan tu bhi hai wahin tu aur nahin main aur nahin

tu lakh kare inkar magar baaton mein teri kaun aata hai

iman mera ye mera yaqin tu aur nahin main aur nahin

ye raaz hai 'kawish' ne paya chaukhaT pe teri ai jaan-e-jahan

kahti hai ye jhuk kar us ki jabin tu aur nahin main aur nahin