jise dekha usi ke husn-e-dilkash par fida dekha

jise dekhā usī ke husn-e-dilkash par fidā dekhā

jamāl-e-rū-e-yaktā kā zamāna mubtalā dekhā

mudāvā dard-e-ulfat kā zamāna meñ nayā dekhā

diyā thā dard jis ne dard kī us ko davā dekhā

batāo dekhne vaalo mah-e-kāmil meñ kyā dekhā

'ayāñ har chiiz meñ maiñ ne to husn-e-haq-numā dekhā

naqāb-e-husn uThtī hai kahāñ thā hosh muusā ko

ḳhudā jaane ki tere dekhne vaale ne kyā dekhā

nazar ko mahv-e-dīdār-e-jahāñ tere liye paayā

tirī ḳhātir hasīnān-e-jahāñ par dil fidā dekhā

mire soz-e-jigar ko dekh kar parvāna jaltā hai

huī hai sham' bhī paanī jo mujh-sā dil-jalā dekhā

takā kartī haiñ terī shakl ko hasrat bharī āñkheñ

dil-e-shaidā ko tere gesuoñ meñ mubtalā dekhā

nigāh-e-nāz ne terī jise taakā use maarā

jahāñ ko ham ne terā kushta-e-nāz-o-adā dekhā

dil-e-pur-dard se ḳhālī na paayā achchhe achchhoñ ko

masīhā ke liye bhī dar terā dārushshifā dekhā

tere kushte nasība meñ sikandar se sivā nikle

terī teġh-e-adā meñ jauhar-e-āb-e-baqā dekhā

hijāb-e-mā-sivā allāh ne tujhe parda meñ rakkhā thā

uThā jab aañkh se parda to phir jalva terā dekhā

nigāh lutf bhī us kī zabāñ ban kar palaTtī hai

kisī kī chashm-e-pur-fan kā jahāñ maarā huā dekhā

hazāroñ ruup nairañg-e-jahāñ meñ tū ne kyuuñ badle

tujhe har rañg meñ ham ne to sūrat āshnā dekhā

nigāh-e-sharmagīñ kā dīda-e-nargis bhī shāhid hai

chaman ke ġhuncha-ġhuncha meñ tirā rañg-e-hayā dekhā

hameñ jannat kī hūreñ apnī āñkhoñ par biThātī haiñ

shahīdān-e-adā kā martaba ai pārsā dekhā

tire tīr-e-nazar ke said āhū-e-haram dekhe

tujhe ai kā’ba-e-amn-o-amāñ apnī qazā dekhā

jahāñ meñ 'āshiq-o-mā'shūq nikle donoñ lā-sānī

na 'bedil' sā koī shaidā na tujh-sā dilrubā dekhā

jise dekha usi ke husn-e-dilkash par fida dekha

jamal-e-ru-e-yakta ka zamana mubtala dekha

mudawa dard-e-ulfat ka zamana mein naya dekha

diya tha dard jis ne dard ki us ko dawa dekha

batao dekhne walo mah-e-kaamil mein kya dekha

'ayan har chiz mein main ne to husn-e-haq-numa dekha

naqab-e-husn uThti hai kahan tha hosh musa ko

KHuda jaane ki tere dekhne wale ne kya dekha

nazar ko mahw-e-didar-e-jahan tere liye paya

teri KHatir hasinan-e-jahan par dil fida dekha

mere soz-e-jigar ko dekh kar parwana jalta hai

hui hai sham' bhi pani jo mujh-sa dil-jala dekha

taka karti hain teri shakl ko hasrat bhari aankhen

dil-e-shaida ko tere gesuon mein mubtala dekha

nigah-e-naz ne teri jise taka use mara

jahan ko hum ne tera kushta-e-naz-o-ada dekha

dil-e-pur-dard se KHali na paya achchhe achchhon ko

masiha ke liye bhi dar tera darushshifa dekha

tere kushte nasiba mein sikandar se siwa nikle

teri tegh-e-ada mein jauhar-e-ab-e-baqa dekha

hijab-e-ma-siwa allah ne tujhe parda mein rakkha tha

uTha jab aankh se parda to phir jalwa tera dekha

nigah lutf bhi us ki zaban ban kar palaTti hai

kisi ki chashm-e-pur-fan ka jahan mara hua dekha

hazaron rup nairang-e-jahan mein tu ne kyun badle

tujhe har rang mein hum ne to surat aashna dekha

nigah-e-sharmagin ka dida-e-nargis bhi shahid hai

chaman ke ghuncha-ghuncha mein tera rang-e-haya dekha

hamein jannat ki huren apni aankhon par biThati hain

shahidan-e-ada ka martaba ai parsa dekha

tere tir-e-nazar ke said aahu-e-haram dekhe

tujhe ai ka’ba-e-amn-o-aman apni qaza dekha

jahan mein 'ashiq-o-ma'shuq nikle donon la-sani

na 'bedil' sa koi shaida na tujh-sa dilruba dekha