shoKH-nazron se jo dekha aapne

shoḳh-nazroñ se jo dekhā aap ne

kar diyā mujh ko tamāshā aap ne

dard merā ban gayā merī davā

kar diyā yuuñ mujh ko achchhā aap ne

intizār jalva-e-dīdār thā

kar diyā va.ade kā iifā aap ne

husn ke anvār se dil ko kiyā

jalva-zār-e-tūr-e-sīnā aap ne

kar ke begāna zamāne se hameñ

kar liyā āḳhir ko apnā aap ne

vāqi.a dil kā hai kitnā muḳhtasar

maiñ ne khoyā aur paayā aap ne

'kaif' dil hī dil meñ karatā thā fuġhāñ

kar diyā kyuuñ raaz ifshā aap ne

shoKH-nazron se jo dekha aap ne

kar diya mujh ko tamasha aap ne

dard mera ban gaya meri dawa

kar diya yun mujh ko achchha aap ne

intizar jalwa-e-didar tha

kar diya wade ka ifa aap ne

husn ke anwar se dil ko kiya

jalwa-zar-e-tur-e-sina aap ne

kar ke begana zamane se hamein

kar liya aaKHir ko apna aap ne

waqia dil ka hai kitna muKHtasar

main ne khoya aur paya aap ne

'kaif' dil hi dil mein karata tha fughan

kar diya kyun raaz ifsha aap ne