tumhein dukh bhari kahani mein sunaun kya zabani

tumheñ dukh bharī kahānī meñ sunā.ūñ kyā zabānī

mare ashk kar rahe haiñ mere ġham kī tarjumānī

kise sar uThāne degī tirī teġh-e-naujavānī

hai sitam kī ik ravānī hai chaḌhā ġhazab kā paanī

vo jo mehrbāñ thā apnā vahī aaj bad-gumāñ hai

ye nasheb zindagānī vo farāz zindagānī

mirā dil vafā-talab hai tirā dil vafā se ḳhālī

unheñ do diloñ ne likh dī ġham-e-ishq kī kahānī

mujhe jaan se ziyāda hai aziiz daaġh dil kā

ki yahī to hai kisī kī mare paas ik nishānī

kisī be-vafā se ai dil ho ummīd kyā vafā kī

tirī kāvisheñ abas haiñ nahii. kuchh bhī honī jaanī

koī kah de ye 'nazar' se use fikr-e-vasl kyuuñ hai

ki firāq-e-zindagānī meñ hai aish jāvedānī

tumhein dukh bhari kahani mein sunaun kya zabani

mare ashk kar rahe hain mere gham ki tarjumani

kise sar uThane degi teri tegh-e-naujawani

hai sitam ki ek rawani hai chaDha ghazab ka pani

wo jo mehrban tha apna wahi aaj bad-guman hai

ye nasheb zindagani wo faraaz zindagani

mera dil wafa-talab hai tera dil wafa se KHali

unhen do dilon ne likh di gham-e-ishq ki kahani

mujhe jaan se ziyaada hai aziz dagh dil ka

ki yahi to hai kisi ki mare pas ek nishani

kisi be-wafa se ai dil ho ummid kya wafa ki

teri kawishen abas hain nahi kuchh bhi honi jaani

koi kah de ye 'nazar' se use fikr-e-wasl kyun hai

ki firaq-e-zindagani mein hai aish jawedani