saqi teri nigah asar-dar hai to hai

saaqī tirī nigāh asar-dār hai to hai

dīvāna terā tālib-e-dīdār hai to hai

mai tere mai-kade kī mazedār hai to hai

har riñd terī mai kā talab-gār hai to hai

poshīda to jo mujh se mire yaar hai to hai

merī nigāh tālib-e-dīdār hai to hai

rakkhā nahīñ hai ham ne añdheroñ se vāsta

dil meñ ḳhayāl-e-yār ziyā-bār hai to hai

saaqī ye terī mai kā asar jā.egā kahāñ

rindoñ meñ tere jur.at-e-iz.hār hai to hai

us par kahāñ taġhayyur-e-auqāt kā asar

vo merā yaar sāhib-e-kirdār hai to hai

zarra hai kuchh nahīñ hai bisāt-e-nazar magar

jab tum ne kah diyā ki vo fankār hai to hai

saqi teri nigah asar-dar hai to hai

diwana tera talib-e-didar hai to hai

mai tere mai-kade ki mazedar hai to hai

har rind teri mai ka talab-gar hai to hai

poshida to jo mujh se mere yar hai to hai

meri nigah talib-e-didar hai to hai

rakkha nahin hai hum ne andheron se wasta

dil mein KHayal-e-yar ziya-bar hai to hai

saqi ye teri mai ka asar jaega kahan

rindon mein tere jurat-e-izhaar hai to hai

us par kahan taghayyur-e-auqat ka asar

wo mera yar sahib-e-kirdar hai to hai

zarra hai kuchh nahin hai bisat-e-nazar magar

jab tum ne kah diya ki wo fankar hai to hai