ye ThanDi ThanDi hawa ke jhonke KHizan ki buniyaad rakh rahe hain

Jurm Muhammadabadi

ye ThanDī ThanDī havā ke jhoñke ḳhizāñ kī buniyād rakh rahe haiñ

khulegā raaz bahār-e-gulshan-e-tilism TūTegā jab kalī kā

Tapak ke dāman pe kah rahe haiñ ye merī majbūriyoñ ke aañsū

ḳhudī kā ehsās kar ke jiinā mazāq uḌānā hai zindagī kā

ḳhilāf-e-fitrat nahīñ mohabbat ye sach hai maiñ māntā huuñ lekin

samajh ke ai 'jurm' dil lagānā nibāh mushkil hai dostī kā

ye ThanDi ThanDi hawa ke jhonke KHizan ki buniyaad rakh rahe hain

khulega raaz bahaar-e-gulshan-e-tilism TuTega jab kali ka

Tapak ke daman pe kah rahe hain ye meri majburiyon ke aansu

KHudi ka ehsas kar ke jina mazaq uDana hai zindagi ka

KHilaf-e-fitrat nahin mohabbat ye sach hai main manta hun lekin

samajh ke ai 'jurm' dil lagana nibah mushkil hai dosti ka

Source :

Click on the INTERESTING button to view additional information associated with this sher.

Don’t remind me again

OKAY

Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

This ghazal contains ashaar not published in the public domain. These are marked by a red line on the left.

Don’t remind me again

OKAY