ishq mein tar-tar na karna

'ishq meñ tār-tār nā karnā

'aql kā kārobār na karnā

maz.hab dilerāñ hai 'āshiq kā

javānī meñ 'aar nā karnā

chal sadā iḳhtiyār-e-dilbar meñ

apnā iḳhtiyār nā karnā

rah tū gumnām-e-'ishq kī rah meñ

aap kuuñ āshakār nā karnā

hijr dilbar kuuñ jab lazīz lagiyā

vasl kā intizār nā karnā

aarsī tayoñ yo dil kuuñ karnā saaf

tan ke uupar siñgār nā karnā

jis mahal meñ hisāb-e-vahdat haiñ

ek kuuñ vaañ hazār nā karnā

jab vujūd-e-ḳhudā kā sab hai zuhūr

ġhair kā e'tibār nā karnā

dekhnā dost kā vazīfa bas

vird-e-lail-o-nahār nā karnā

jān-e-haqīqat kā mehr-e-jalva kyā

vaañ ḳhudī kā ġhubār nā karnā

'ishq kī rah meñ nā-subūr achhnā

sheva-e-istibār nā karnā

bārhā ḳhud hī 'qurbī' us par suuñ

jān-o-dil ko nisār nā karnā

'ishq mein tar-tar na karna

'aql ka karobar na karna

mazhab dileran hai 'ashiq ka

jawani mein 'ar na karna

chal sada iKHtiyar-e-dilbar mein

apna iKHtiyar na karna

rah tu gumnam-e-'ishq ki rah mein

aap kun aashakar na karna

hijr dilbar kun jab laziz lagiya

wasl ka intizar na karna

aarsi tayon yo dil kun karna saf

tan ke upar singar na karna

jis mahal mein hisab-e-wahdat hain

ek kun wan hazar na karna

jab wujud-e-KHuda ka sab hai zuhur

ghair ka e'tibar na karna

dekhna dost ka wazifa bas

wird-e-lail-o-nahaar na karna

jaan-e-haqiqat ka mehr-e-jalwa kya

wan KHudi ka ghubar na karna

'ishq ki rah mein na-subur achhna

shewa-e-istibar na karna

barha KHud hi 'qurbi' us par sun

jaan-o-dil ko nisar na karna