tegh-e-abru ka tumhaare kis qadar tez aab tha

teġh-e-abrū kā tumhāre kis qadar tez aab thā

sāmne us ke jo aayā phir vahī sairāb thā

āfrīñ us dast-o-bāzū par ki pahle vaar meñ

har rag-e-jāñ se mire favvāra-e-kHūñ naab thā

said-gah meñ jo nikālā tiir tum ne surḳh thā

kushtagāñ kā ḳhuuñ lagā thā yā par-e-surḳhāb thā

'ishq meñ be-kār dekhā tāj-o-takHt-o-farsh-e-gil

qais ko har kHār-e-farsh qāqum-o-sanjāb thā

ashk-e-hasrat se mire āḳhir girā naḳhl-e-murād

haañ magar ek nakHl-e-nau-mīdī so vo shādāb thā

sail-e-dariyā-e-mohabbat 'ijz ham ko le gayā

'ishq kā tūfān thā har mauj meñ girdāb thā

tegh-e-abru ka tumhaare kis qadar tez aab tha

samne us ke jo aaya phir wahi sairab tha

aafrin us dast-o-bazu par ki pahle war mein

har rag-e-jaan se mere fawwara-e-kHun nab tha

said-gah mein jo nikala tir tum ne surKH tha

kushtagan ka KHun laga tha ya par-e-surKHab tha

'ishq mein be-kar dekha taj-o-takHt-o-farsh-e-gil

qais ko har kHar-e-farsh qaqum-o-sanjab tha

ashk-e-hasrat se mere aaKHir gira naKHl-e-murad

han magar ek nakHl-e-nau-midi so wo shadab tha

sail-e-dariya-e-mohabbat 'ijz hum ko le gaya

'ishq ka tufan tha har mauj mein girdab tha