andhere shahar mein miTTi ka ek diya bhi nahin

añdhere shahar meñ miTTī kā ik diyā bhī nahīñ

aur āsmāñ se koī taarā TūTtā bhī nahīñ

vo kyā samajh ga.e maiñ us ko jāntā bhī nahīñ

zabāñ pe merī koī harf-e-mudda.ā bhī nahīñ

ye tīrgī ye ḳhamoshī ye shab ye tanhā.ī

kisī ke duur se aane kī kuchh sadā bhī nahīñ

misāl-e-ā.īna hairān hai har ik insāñ

yahāñ pe koī kisī se to boltā bhī nahīñ

hazf ke Dher meñ ro.e haiñ kitne la.al-o-gohar

vafā-shanās koī un ko dekhtā bhī nahīñ

junūñ meñ had se baḌhā jaatā huuñ 'adīb' magar

qarīb aa ke koī mujh ko roktā bhī nahīñ

andhere shahar mein miTTi ka ek diya bhi nahin

aur aasman se koi tara TuTta bhi nahin

wo kya samajh gae main us ko jaanta bhi nahin

zaban pe meri koi harf-e-muddaa bhi nahin

ye tirgi ye KHamoshi ye shab ye tanhai

kisi ke dur se aane ki kuchh sada bhi nahin

misal-e-aina hairan hai har ek insan

yahan pe koi kisi se to bolta bhi nahin

hazf ke Dher mein roe hain kitne lal-o-gohar

wafa-shanas koi un ko dekhta bhi nahin

junun mein had se baDha jata hun 'adib' magar

qarib aa ke koi mujh ko rokta bhi nahin