عشق پہ اعتماد کر حسن کی بے رخی نہ دیکھ

عشق پہ اعتماد کر حسن کی بے رخی نہ دیکھ

دل کے معاملات میں غم پہ نہ جا خوشی نہ دیکھ

فکرِ بہشت چھوڑ کر دانہ و دام سے گزر

منصبِ بندگی سمجھ، مقصدِ بندگی نہ دیکھ

دل کو ادب سکھائے جا، کچھ بھی ہو مسکرائے جا

تیرِ نگاہِ ناز کا، زخم گھڑی گھڑی نہ دیکھ

لاکھ حکیم مٹ گئے پر نہ یہ زخم بھر سکے

لطفِ شگفتگی اٹھا، رنگِ شکستگی نہ دیکھ

حسنِ ازل سے پوچھنا، عشق کی جرأتوں کا حال

اٹھ ہی گئی نگاہِ شوق، کہتے رہے سبھی نہ دیکھ

دل کی لگی میں ضبطِ غم کھیل نہیں ہے اے ادیبؔ

کثرتِ غم سے ہار کر تو نے بھی آہ کی نہ دیکھ