banda bana raha hai husn-e-kalam tera

banda banā rahā hai husn-e-kalām terā

duniyā mutī.a terī aalam ġhulām terā

hastī kī manziloñ meñ duniyā kī koshishoñ se

itnā pata chalā hai dil hai maqām terā

ai ġhārat gar-e-zamāna duniyā kā sun fasāna

kis kis tarah hai aayā kahne meñ naam terā

vo koī aur haiñ jo masrūf-e-mai-kashī haiñ

ham dekhte haiñ saaqī husn-e-nizām terā

duniyā-e-rañg-o-bū ke pāmāl karne vaale

mahshar bhī muntazir hai mahv-e-ḳhirām terā

maiñ kyā batā.ūñ tujh ko kahtā hai kyā zamāna

ai bāġhbāñ hai ab to sayyād naam terā

jazbāt kā bayāñ hai sharh-e-ġham-e-nihāñ hai

maqbūl ho na kyuuñ phir 'afqar' kalām terā

banda bana raha hai husn-e-kalam tera

duniya mutia teri aalam ghulam tera

hasti ki manzilon mein duniya ki koshishon se

itna pata chala hai dil hai maqam tera

ai ghaarat gar-e-zamana duniya ka sun fasana

kis kis tarah hai aaya kahne mein nam tera

wo koi aur hain jo masruf-e-mai-kashi hain

hum dekhte hain saqi husn-e-nizam tera

duniya-e-rang-o-bu ke pamal karne wale

mahshar bhi muntazir hai mahw-e-KHiram tera

main kya bataun tujh ko kahta hai kya zamana

ai baghban hai ab to sayyaad nam tera

jazbaat ka bayan hai sharh-e-gham-e-nihan hai

maqbul ho na kyun phir 'afqar' kalam tera