falak lakh bijli giraata rahega

falak laakh bijlī girātā rahegā

jahāñ hai vahīñ āshiyāna rahegā

salāmat jo mashq-e-tasavvur hai to phir

tumhārā hī har samt jalva rahegā

vo duniyā to jaane jo maiñ jāntā huuñ

tū hī hāsil-e-bazm-e-duniyā rahegā

mujhe Duub jaane do phir dekh lenā

na sāhil na tūfāñ na dariyā rahegā

jahāñ tak na aa.egī niiñd un ko sun kar

vahīñ tak hamārā fasāna rahegā

na tum apne ahd-e-mohabbat ko badlo

zamāna to karvaT badaltā rahegā

to ban jā.egā ek din dil kā darmāñ

jo har rose kuchh dard baḌhtā rahegā

gila un se kyā bevafā.ī kā 'afqar'

ḳhabar kyā thī dil hī na apnā rahegā

falak lakh bijli giraata rahega

jahan hai wahin aashiyana rahega

salamat jo mashq-e-tasawwur hai to phir

tumhaara hi har samt jalwa rahega

wo duniya to jaane jo main jaanta hun

tu hi hasil-e-bazm-e-duniya rahega

mujhe Dub jaane do phir dekh lena

na sahil na tufan na dariya rahega

jahan tak na aaegi nind un ko sun kar

wahin tak hamara fasana rahega

na tum apne ahd-e-mohabbat ko badlo

zamana to karwaT badalta rahega

to ban jaega ek din dil ka darman

jo har rose kuchh dard baDhta rahega

gila un se kya bewafai ka 'afqar'

KHabar kya thi dil hi na apna rahega