Sufinama

tujhe aaKHir kahan DhunDhe makin-e-la-makan koi

Afqar Warsi

tujhe aaKHir kahan DhunDhe makin-e-la-makan koi

Afqar Warsi

MORE BY Afqar Warsi

    tujhe āḳhir kahāñ DhūñDhe makīn-e-lā-makāñ koī

    na chaltā hai patā koī na miltā hai nishāñ koī

    vahīñ ho rahā kar jo pahuñchā bhī vahāñ koī

    na vāpas manzil-e-jānāñ se aayā kārvāñ koī

    fazā-e-gulsitāñ ḳhāmosh hai chhā.ī hai tārīkī

    sadā detā hai rah rah kar ḳharāb-e-āshiyāñ koī

    kahīñ sar hai kahīñ naqsh-e-jabīñ sajde kahīñ par haiñ

    huā kis kis tarah miT kar ḳharāb-e-āstāñ koī

    azal se lab pe hai ahd-e-vafā ek afsāna

    zamāna meñ sune kab tak hamārī dāstāñ koī

    hameñ ma.alūm hai itnī haqīqat apnī hastī

    ki ye bhī raaz hai minjumla-e-rāz-e-nihāñ koī

    sunātā huuñ maiñ rūdād-e-mohabbat is tavaqqo.a par

    milā le apne afsāne meñ merī dāstāñ koī

    chamak uTThī hai qismat ek sajda meñ kyā kahnā

    liye phirtā hai peshānī pe naqsh-e-koī koī

    bas itnī shart hai jis par madār-e-vasl-e-jānāñ hai

    uThā de darmiyāñ se parda-e-umr-e-ravāñ koī

    rah-e-ġhurbat meñ e 'afqar' vo ham gum-karda manzil haiñ

    na guzrā is taraf se bhuul kar bhī kārvāñ koī

    tujhe aaKHir kahan DhunDhe makin-e-la-makan koi

    na chalta hai pata koi na milta hai nishan koi

    wahin ka ho raha ja kar jo pahuncha bhi wahan koi

    na wapas manzil-e-jaanan se aaya karwan koi

    faza-e-gulsitan KHamosh hai chhai hai tariki

    sada deta hai rah rah kar KHarab-e-ashiyan koi

    kahin sar hai kahin naqsh-e-jabin sajde kahin par hain

    hua kis kis tarah miT kar KHarab-e-astan koi

    azal se lab pe hai ahd-e-wafa ka ek afsana

    zamana mein sune kab tak hamari dastan koi

    hamein malum hai itni haqiqat apni hasti ki

    ki ye bhi raaz hai minjumla-e-raaz-e-nihan koi

    sunata hun main rudad-e-mohabbat is tawaqqoa par

    mila le apne afsane mein meri dastan koi

    chamak uTThi hai qismat ek hi sajda mein kya kahna

    liye phirta hai peshani pe naqsh-e-koi koi

    bas itni shart hai jis par madar-e-wasl-e-jaanan hai

    uTha de darmiyan se parda-e-umr-e-rawan koi

    rah-e-ghurbat mein e 'afqar' wo hum gum-karda manzil hain

    na guzra is taraf se bhul kar bhi karwan koi

    Source:

    • Book : Nazargah (Pg. 85)
    • Author : Afqar Warsi
    • Publication : Siddiq Book Depot, Lucknow (1961)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY