apne se dur pata hun ahl-e-nazar ko main

apne se duur paatā huuñ ahl-e-nazar ko maiñ

sab rakhte haiñ jalve ko aur jalva-gar ko maiñ

kartā huuñ yād-e-lazzat-e-zaḳhm-e-jigar ko maiñ

bhūlā nahīñ huuñ aap kī pahlī nazar ko maiñ

kaisī bahār kaisā nasheman kahāñ ke gul

rote haiñ bāl-o-par mujhe aur bāl-o-par ko maiñ

jalvoñ meñ gum nazar hai to jalve nazar meñ gum

ab kyā karūñgā hāsil-e-zauq-e-nazar ko maiñ

hastī ko apnī hastī-e-jānāñ meñ kar ke gum

kartā huuñ chaak parda-e-hadd-e-nazar ko maiñ

yā nāma-bar se pūchhtā 'afqar' thā hāl-e-yār

yā pūchhtā huuñ ḳhairiyat-e-nāma-bar ko maiñ

apne se dur pata hun ahl-e-nazar ko main

sab rakhte hain jalwe ko aur jalwa-gar ko main

karta hun yaad-e-lazzat-e-zaKHm-e-jigar ko main

bhula nahin hun aap ki pahli nazar ko main

kaisi bahaar kaisa nasheman kahan ke gul

rote hain baal-o-par mujhe aur baal-o-par ko main

jalwon mein gum nazar hai to jalwe nazar mein gum

ab kya karunga hasil-e-zauq-e-nazar ko main

hasti ko apni hasti-e-jaanan mein kar ke gum

karta hun chaak parda-e-hadd-e-nazar ko main

ya nama-bar se puchhta 'afqar' tha haal-e-yar

ya puchhta hun KHairiyat-e-nama-bar ko main