mili sajda ki ijazat junhi pasban se pahle

milī sajda kī ijāzat jūñhī pāsbāñ se pahle

mujhe mil ga.ī ḳhudā.ī tere āstāñ se pahle

na jahāñ kī ab tamannā na matā-e-do-jahāñ kī

mujhe mil gayā hai sab kuchh tere āstāñ se pahle

abhī duur hai nazar se tire āstāñ kī manzil

maiñ tavāf-e-ka.aba kar luuñ tire āstāñ se pahle

ye hai muḳhtasar fasāna mirī zindagī kā nāseh

ġham-e-āshiqī faqat thā ġham-e-do-jahāñ se pahle

vo chale miTāne mujh ko ba-ḳharām-e-nāz jis dam

to pukār uThī qayāmat ki mere yahāñ se pahle

banā jab se āshiyāna to nigāh-e-charḳh badlī

na girī thī varna bijlī mire āshiyāñ se pahle

mirī mai-kashī kā zāhid nahīñ ḳhaas vaqt koī

kabhī din ke vaqt pī lī to kabhī azaañ se pahle

mirī zindagī kī 'afqar' hama shauq dāstāñ hai

maiñ sunā.ūñ bhī jo un ko to kahūñ kahāñ se pahle

mili sajda ki ijazat junhi pasban se pahle

mujhe mil gai KHudai tere aastan se pahle

na jahan ki ab tamanna na mata-e-do-jahan ki

mujhe mil gaya hai sab kuchh tere aastan se pahle

abhi dur hai nazar se tere aastan ki manzil

main tawaf-e-kaba kar lun tere aastan se pahle

ye hai muKHtasar fasana meri zindagi ka naseh

gham-e-ashiqi faqat tha gham-e-do-jahan se pahle

wo chale miTane mujh ko ba-KHaram-e-naz jis dam

to pukar uThi qayamat ki mere yahan se pahle

bana jab se aashiyana to nigah-e-charKH badli

na giri thi warna bijli mere aashiyan se pahle

meri mai-kashi ka zahid nahin KHas waqt koi

kabhi din ke waqt pi li to kabhi azan se pahle

meri zindagi ki 'afqar' hama shauq dastan hai

main sunaun bhi jo un ko to kahun kahan se pahle