ملی سجدہ کی اجازت جوں ہی پاسباں سے پہلے

ملی سجدہ کی اجازت جوں ہی پاسباں سے پہلے

مجھے مل گئی خدائی تیرے آستاں سے پہلے

نہ جہاں کی اب تمنا نہ متاع دو جہاں کی

مجھے مل گیا ہے سب کچھ تیرے آستاں سے پہلے

ابھی دور ہے نظر سے ترے آستاں کی منزل

میں طواف کعبہ کر لوں ترے آستاں سے پہلے

یہ ہے مختصر فسانہ مری زندگی کا ناصح

غم عاشقی فقط تھا غم دو جہاں سے پہلے

وہ چلے مٹانے مجھ کو بخرام ناز جس دم

تو پکار اٹھی قیامت کہ میرے یہاں سے پہلے

بنا جب سے آشیانہ تو نگاہ چرخ بدلی

نہ گری تھی ورنہ بجلی مرے آشیاں سے پہلے

مری مے کشی کا زاہد نہیں خاص وقت کوئی

کبھی دن کے وقت پی لی تو کبھی اذاں سے پہلے

مری زندگی کی افقرؔ ہمہ شوق داستاں ہے

میں سناؤں بھی جو ان کو تو کہوں کہاں سے پہلے