tajalli tum se mumkin ho to kashana mein rakh dena

tajallī tum se mumkin ho to kāshāna meñ rakh denā

charāġh-e-ārzū dil ke siyah-ḳhāna meñ rakh denā

mujhe ye chashma-e-haivāñ ke paanī se ziyāda hai

tum apne muñh kī jhūTī mere paimāna meñ rakh denā

kisī kī dil-rubā tasvīr kahtī hai ishāroñ se

sanam-ḳhāna kī zīnat huuñ sanam-ḳhāna meñ rakh denā

tire qurbān o qāsid mirī āñkheñ bhī letā jā

unhīñ ke vāste haiñ un ke nazrāna meñ rakh denā

vo kahte haiñ koī āsān hai saudā mohabbat kā

yahāñ paḌtā hai pahle jaan bai.āna meñ rakh denā

isī darbār ke ham bhī du'ā-go the kabhī saaqī

hamāre naam kī bhī ek paimāna meñ rakh denā

bas ab to rāt-din ye shuġhl ye saudā hai 'afsar' ko

tirī tasvīr lenā aur but-ḳhāna meñ rakh denā

tajalli tum se mumkin ho to kashana mein rakh dena

charagh-e-arzu dil ke siyah-KHana mein rakh dena

mujhe ye chashma-e-haiwan ke pani se ziyaada hai

tum apne munh ki jhuTi mere paimana mein rakh dena

kisi ki dil-ruba taswir kahti hai ishaaron se

sanam-KHana ki zinat hun sanam-KHana mein rakh dena

tere qurban o qasid meri aankhen bhi leta ja

unhin ke waste hain un ke nazrana mein rakh dena

wo kahte hain koi aasan hai sauda mohabbat ka

yahan paDta hai pahle jaan baiana mein rakh dena

isi darbar ke hum bhi du'a-go the kabhi saqi

hamare nam ki bhi ek paimana mein rakh dena

bas ab to raat-din ye shughl ye sauda hai 'afsar' ko

teri taswir lena aur but-KHana mein rakh dena