ab apni jafa yaad na aashiq ki wafa yaad

ab apnī jafā yaad na 'āshiq kī vafā yaad

au bhūlne vaale tujhe kuchh bhī na rahā yaad

jab dil se uThā.e na ga.e zulm butoñ ke

aayā ise fariyād ke parde meñ ḳhudā yaad

aage tire dam bhuul ga.e chāra-gar aisā

jiine kī davā yaad na marne kī du'ā yaar

kuchh pās-e-mohabbat hai jo ḳhāmosh huuñ ab tak

ek-ek sitam yaad hai ek-ek jafā yaad

kyā aur koī zulm bhī hai is se ziyāda

marte hue 'āshiq ko bhī tum ne na kiyā yaad

is 'aish kī tasvīr ne sab rañj miTā.e

sūrat ko tirī dekh ke kuchh bhī na rahā yaad

ab soch rahe ho jo shikāyat hai jafā kī

is yaad ke sadqe na rahī apnī jafā yaad

zahmat-kash-e-gesū huuñ to kyā turra hai mujh meñ

kartī hai mujhe is but-e-kāfir kī balā yaad

jab Tiis mire zaḳhm-e-jigar meñ huī 'afsar'

tīr-e-nigah-e-nāz kī shoḳhī ko kiyā yaad

ab apni jafa yaad na 'ashiq ki wafa yaad

au bhulne wale tujhe kuchh bhi na raha yaad

jab dil se uThae na gae zulm buton ke

aaya ise fariyaad ke parde mein KHuda yaad

aage tere dam bhul gae chaara-gar aisa

jine ki dawa yaad na marne ki du'a yar

kuchh pas-e-mohabbat hai jo KHamosh hun ab tak

ek-ek sitam yaad hai ek-ek jafa yaad

kya aur koi zulm bhi hai is se ziyaada

marte hue 'ashiq ko bhi tum ne na kiya yaad

is 'aish ki taswir ne sab ranj miTae

surat ko teri dekh ke kuchh bhi na raha yaad

ab soch rahe ho jo shikayat hai jafa ki

is yaad ke sadqe na rahi apni jafa yaad

zahmat-kash-e-gesu hun to kya turra hai mujh mein

karti hai mujhe is but-e-kafir ki bala yaad

jab Tis mere zaKHm-e-jigar mein hui 'afsar'

tir-e-nigah-e-naz ki shoKHi ko kiya yaad