نیستی بستی ہے یارو! اور بستی کچھ نہیں

نیستی بستی ہے یارو! اور بستی کچھ نہیں

خود فراموشی ہے مستی اور مستی کچھ نہیں

فکرِ اسبابِ جہاں کو ترک کرنا فقر ہے

یفعل اللہ ما یشا اور درستی کچھ نہیں

اہلِ دولت ہاتھ خالی اس جہاں سے چلے بسے

ہاتھ خالی ہے فراغت تنگ دستی کچھ نہیں

چند روزہ زندگی ہے یہ محل پختہ ہےکیا

شہرِ خاموشاں ہے بستی اور بستی کچھ نہیں

سب کچھ ہے حاصل اسی کو اس جہاں میں اے فقیرؔ

جس کسی کے سامنے عالم کی ہستی کچھ نہیں