jaan to ram hui tan hua lachhman un ka

jaan to raam huī tan huā lachhman un kā

ham kyā karte haiñ donoñ hī meñ darshan un kā

tan-e-tanhā huuñ akelā huuñ qiyāmat hai qarīb

nām-levā na rahā shaiḳh-o-barhaman un kā

jo sadā innī nallāh kī shajar se niklī

aag lag jaa.e use dekhe jo joban un kā

ḳhud hī kahte haiñ ki shah-e-rag se qarīb aap ke haiñ

lā-makāñ meñ hai vo kis vāste maskan un kā

DhūñDtā hai jo tujhe DhūñD le apne se vo aap

ḳhāksārī meñ milā 'sahv' ko maḳhzan un kā

jaan to ram hui tan hua lachhman un ka

hum kya karte hain donon hi mein darshan un ka

tan-e-tanha hun akela hun qiyamat hai qarib

nam-lewa na raha shaiKH-o-barhaman un ka

jo sada inni nallah ki shajar se nikli

aag lag jae use dekhe jo joban un ka

KHud hi kahte hain ki shah-e-rag se qarib aap ke hain

la-makan mein hai wo kis waste maskan un ka

DhunDta hai jo tujhe DhunD le apne se wo aap

KHaksari mein mila 'sahw' ko maKHzan un ka