جان تو رام ہوئی تن ہوا لچھمن ان کا

جان تو رام ہوئی تن ہوا لچھمن ان کا

ہم کیا کرتے ہیں دونوں ہی میں درشن ان کا

تن تنہا ہوں اکیلا ہوں قیامت ہے قریب

نام لیوا نہ رہا شیخ و برہمن ان کا

جو صدا انی انااللہ کی شجر سے نکلی

آگ لگ جائے اسے دیکھے جو جوبن ان کا

خود ہی کہتے ہیں کہ شہ رگ سے قریب آپ کے ہیں

لا مکاں میں ہے وہ کس واسطے مسکن ان کا

ڈھونڈتا ہے جو تجھے ڈھونڈ لے اپنے سے وہ آپ

خاکساری میں ملا صحوؔ کو مخزن ان کا