saqiya kaisa pilaya bhar ke tu paimana aaj

sāqiyā kaisā pilāyā bhar ke tū paimāna aaj

tere dīvāna kā 'ālam ho gayā dīvāna aaj

kū-ba-kū se dekhne jaate haiñ sab pī-o-javāñ

shahar meñ shohrat huī hai aa rahā dīvāna aaj

gabr-o-tarsā ’aish karte haiñ jahāñ meñ roz-o-shab

ka.aba-e-dil ban gayā hai momin-o-but-kHāna aaj

faisla hotā nahīñ hai mudda.ī hai zor par

rū-ba-rū huzzār-e-majlis ke zarā bulvānā aaj

bhūkā pyāsā shaam se baiThā huuñ dar par aap ke

jald tanḳhvāh ab mujhe sarkār se dilvānā aaj

saqiya kaisa pilaya bhar ke tu paimana aaj

tere diwana ka 'alam ho gaya diwana aaj

ku-ba-ku se dekhne jate hain sab pi-o-jawan

shahar mein shohrat hui hai aa raha diwana aaj

gabr-o-tarsa ’aish karte hain jahan mein roz-o-shab

kaba-e-dil ban gaya hai momin-o-but-kHana aaj

faisla hota nahin hai muddai hai zor par

ru-ba-ru huzzar-e-majlis ke zara bulwana aaj

bhuka pyasa sham se baiTha hun dar par aap ke

jald tanKHwah ab mujhe sarkar se dilwana aaj