mujh pe wo guzri farogh-e-husn-e-jaanan dekh kar

mujh pe vo guzrī faroġh-e-husn-e-jānāñ dekh kar

guzrī thī muusā pe jo kuchh nūr-e-yazdāñ dekh kar

le ke aatā hai qafas merā idhar sayyād kyuuñ

dil taḌap jaatā hai dīvār-e-gulistāñ dekh kar

ba.ad-e-murdan bhī huī mujh ko na kuchh rāhat nasīb

ruuh pur-sadma hai qātil ko pashemāñ dekh kar

mujh ko apnā ḳhāna-e-barbād aa jaatā hai yaad

āshiyāñ bulbul bekas ko vīrāñ dekh kar

ek din sayyād mujh ko bhī dikhā de duur se

kuchh to ho taskīn-e-dīvār-e-gulistāñ dekh kar

ḳhuftagān-e-ḳhāk kī nīndeñ uchaTtī haiñ huzūr

chain se chaliye zarā gor-e-ġharībāñ dekh kar

ye sitam hai ba.ad-e-murdan bhī ki vo zālim hai ḳhush

madfan-e-’ishrat ko pāmāl-e-raqībāñ dekh kar

mujh pe wo guzri farogh-e-husn-e-jaanan dekh kar

guzri thi musa pe jo kuchh nur-e-yazdan dekh kar

le ke aata hai qafas mera idhar sayyaad kyun

dil taDap jata hai diwar-e-gulistan dekh kar

baad-e-murdan bhi hui mujh ko na kuchh rahat nasib

ruh pur-sadma hai qatil ko pasheman dekh kar

mujh ko apna KHana-e-barbaad aa jata hai yaad

aashiyan bulbul bekas ko viran dekh kar

ek din sayyaad mujh ko bhi dikha de dur se

kuchh to ho taskin-e-diwar-e-gulistan dekh kar

KHuftagan-e-KHak ki ninden uchaTti hain huzur

chain se chaliye zara gor-e-ghariban dekh kar

ye sitam hai baad-e-murdan bhi ki wo zalim hai KHush

madfan-e-’ishrat ko pamal-e-raqiban dekh kar