fikr-e-mulak na pahunche wo rifat-e-bashar hai

fikr-e-mulak na pahuñche vo rif.at-e-bashar hai

taufīq rab se jis kā lāhūt mustaqar hai

jhurmaT meñ tābishoñ kī ye kaun jalva-gar hai

be-tāb zauq-e-jalva be-tābī-e-nazar hai

qudsī bhī sar ba-ḳham haiñ vo un kā sañg-e-dar hai

haiñ jannateñ nichhāvar jis par vo un kā ghar hai

ye kahkashāñ bhī un kī adnā sī rahguzar hai

un kā qadam to farq arsh-e-majīd par hai

majbūr hāzirī kī rūdād muḳhtasar hai

zār-o-shikastā dil hai mahrūm bāl-o-par hai

vo nayyar-e-risālat chamkā ba-sad tajallī

ye sub.h kā muqaddar ye qismat sahar hai

ghar beTe jāliyoñ ke nazāre kar rahā huuñ

ye hai mirā tasavvur ye vus.at-e-nazar hai

donoñ jahāñ kī rif.at hāsil hai aaj tujh ko

terā dimāġh sub.h-e-mīlād arsh par hai

haiñ ahl-e-hashr 'ahmad' sab aap kī nazar meñ

lekin har ahl-e-mahshar kī aap par nazar hai

fikr-e-mulak na pahunche wo rifat-e-bashar hai

taufiq rab se jis ka lahut mustaqar hai

jhurmaT mein tabishon ki ye kaun jalwa-gar hai

be-tab zauq-e-jalwa be-tabi-e-nazar hai

qudsi bhi sar ba-KHam hain wo un ka sang-e-dar hai

hain jannaten nichhawar jis par wo un ka ghar hai

ye kahkashan bhi un ki adna si rahguzar hai

un ka qadam to farq arsh-e-majid par hai

majbur haziri ki rudad muKHtasar hai

zar-o-shikasta dil hai mahrum baal-o-par hai

wo nayyar-e-risalat chamka ba-sad tajalli

ye subh ka muqaddar ye qismat sahar hai

ghar beTe jaliyon ke nazare kar raha hun

ye hai mera tasawwur ye wusat-e-nazar hai

donon jahan ki rifat hasil hai aaj tujh ko

tera dimagh subh-e-milad arsh par hai

hain ahl-e-hashr 'ahmad' sab aap ki nazar mein

lekin har ahl-e-mahshar ki aap par nazar hai