فکر ملک نہ پہنچے وہ رفعت بشر ہے

فکر ملک نہ پہنچے وہ رفعت بشر ہے

توفیق رب سے جس کا لاہوت مستقر ہے

جھرمٹ میں تابشوں کی یہ کون جلوہ گر ہے

بے تاب ذوق جلوہ بے تابئ نظر ہے

قدسی بھی سر بہ خم ہیں وہ ان کا سنگ در ہے

ہیں جنتیں نچھاور جس پر وہ ان کا گھر ہے

یہ کہکشاں بھی ان کی ادنیٰ سی رہ گزر ہے

ان کا قدم تو فرق عرش مجید پر ہے

مجبور حاضری کی روداد مختصر ہے

زار و شکستہ دل ہے محروم بال و پر ہے

وہ نیر رسالت چمکا بصد تجلی

یہ صبح کا مقدر یہ قسمت سحر ہے

گھر بیٹے جالیوں کے نظارے کر رہا ہوں

یہ ہے مرا تصور یہ وسعت نظر ہے

دونوں جہاں کی رفعت حاصل ہے آج تجھ کو

تیرا دماغ صبح میلاد عرش پر ہے

ہیں اہل حشر احمدؔ سب آپ کی نظر میں

لیکن ہراہل اہل محشر کی آپ پر نظر ہے