ye ajab karishma-kar hai tera turfa nazm-e-bahaar hai

ye ajab karishma-kār hai tirā turfa nazm-e-bahār hai

kahīñ phuul hai kahīñ ḳhaar hai kahīñ nuur hai kahīñ naar hai

kahīñ koī lā.eq-e-sarzanish hai to koī barsar-e-dār hai

ye vafā-shi.āroñ kā khel hai yahī āshiqoñ kā shi.ār hai

ye tere ḳhayāl kī rif.ateñ ye tirī nigāh kī vus.ateñ

ye tire shu.ūr kī azmateñ terā auj arsh vaqār hai

ye lahad se kis kī sadā uThī hai māl-e-ishq-e-bultāñ yahī

na sukūn pā sake jīte-jī na qarār zer-e-mazār hai

na kisī se baat barī kahī na kisī kī baat barī sunī

na kabhī kisī se ḳhalish rahī na kisī se dil meñ ġhubār hai

na kalī khulī hai na gul hañsai na haiñ bulbuloñ ke ye chahchahe

use fasl gul koī kyā kahe ye bahār koī bahār hai

na jahñ meñ jis kā vaqār ho jise ziist tañg ho aar ho

jo musībatoñ kā shikār ho vo ġharīb 'ahmad' zaar hai

ye ajab karishma-kar hai tera turfa nazm-e-bahaar hai

kahin phul hai kahin KHar hai kahin nur hai kahin nar hai

kahin koi laeq-e-sarzanish hai to koi barsar-e-dar hai

ye wafa-shiaron ka khel hai yahi aashiqon ka shiar hai

ye tere KHayal ki rifaten ye teri nigah ki wusaten

ye tere shuur ki azmaten tera auj arsh waqar hai

ye lahad se kis ki sada uThi hai mal-e-ishq-e-bultan yahi

na sukun pa sake jite-ji na qarar zer-e-mazar hai

na kisi se baat bari kahi na kisi ki baat bari suni

na kabhi kisi se KHalish rahi na kisi se dil mein ghubar hai

na kali khuli hai na gul hansai na hain bulbulon ke ye chahchahe

use fasl gul koi kya kahe ye bahaar koi bahaar hai

na jahn mein jis ka waqar ho jise zist tang ho aar ho

jo musibaton ka shikar ho wo gharib 'ahmad' zar hai