اے صنم تجھ کو ہم بھلا نہ سکے
اے صنم تجھ کو ہم بھلا نہ سکے
دل سے داغ وفا مٹا نہ سکے
اللہ اللہ اس آستاں کی کشش
سر جھکایا تو سر اٹھا نہ سکے
مٹ گئے شوق دید میں لیکن
آپ جلوہ ہمیں دکھا نہ سکے
تیری چاہت میں درد وہ پایا
ہم زمانے میں چین پا نہ سکے
دے کے دل تم کو جان بھی دے دی
پھر بھی اپنا تمہیں بنا نہ سکے
جب سے نسبت ہوئی ترے در سے
ہم کسی در پہ سر جھکا نہ سکے
عشق میں یہ عجب تماشہ ہے
ان کو پایا تو خود کو پا نہ سکے
ایسی بدلی ہوا زمانے کی
زخم سینے کے مسکرا نہ سکے
تم فناؔ کی لحد پہ بعد فنا
آ کے دو پھول بھی چڑھا نہ سکے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
