aise to inqilab jahan mein hazar hain

aise to inqilāb jahāñ meñ hazār haiñ

kal jo nagīñ the aaj vo lauh-e-mazār haiñ

nargis ke phuul rū-e-zamīñ par nahīñ haiñ yaar

āñkhoñ se dekh dīda-e-pur-intizār haiñ

shams-o-qamar par hai raqam ahvāl-e-raftagāñ

sardāba-e-jahāñ pe ye lauh-e-mazār haiñ

fasl-e-bahār ne ye machā.ī hai ab kī dhuum

le gul se merī jeb talak taar taar haiñ

ye 'ishq un butoñ kā to do-chār din kā hai

'āshiq jo haiñ ḳhudā ke vahī pā.edār haiñ

tū 'ishq' ek gul se bhī sar bar na ho sakā

bulbul kā dil-sarahiye jis ke hazār haiñ

aise to inqilab jahan mein hazar hain

kal jo nagin the aaj wo lauh-e-mazar hain

nargis ke phul ru-e-zamin par nahin hain yar

aankhon se dekh dida-e-pur-intizar hain

shams-o-qamar par hai raqam ahwal-e-raftagan

sardaba-e-jahan pe ye lauh-e-mazar hain

fasl-e-bahaar ne ye machai hai ab ki dhum

le gul se meri jeb talak tar tar hain

ye 'ishq un buton ka to do-chaar din ka hai

'ashiq jo hain KHuda ke wahi paedar hain

tu 'ishq' ek gul se bhi sar bar na ho saka

bulbul ka dil-sarahiye jis ke hazar hain