aisi koi sham na aae

aisī koī shaam na aa.e

sāmne mere jaam na aa.e

yārab vo hañgām na aa.e

terā lab par naam na aa.e

qatl kī jab taftīsh ho mere

kaash tumhārā naam na aa.e

mai-ḳhāne kā hashr ho kuchh bhī

rindoñ par ilzām na aa.e

jab tak vo tashrīf na laa.eñ

maut kā bhī paiġhām na aa.e

kūcha-e-jānāñ kuchh bhī hai lekin

ham to kabhī nākām na aa.e

chāra-garo tashḳhīs bajā hai

aur agar ārām na aa.e

umr pas-e-dīvār guzārī

vo bālā-e-bām na aa.e

tum to 'azīz' mai-ḳhāna ho

kaise tum tak jaam na aa.e

aisi koi sham na aae

samne mere jam na aae

yarab wo hangam na aae

tera lab par nam na aae

qatl ki jab taftish ho mere

kash tumhaara nam na aae

mai-KHane ka hashr ho kuchh bhi

rindon par ilzam na aae

jab tak wo tashrif na laen

maut ka bhi paigham na aae

kucha-e-jaanan kuchh bhi hai lekin

hum to kabhi nakaam na aae

chaara-garo tashKHis baja hai

aur agar aaram na aae

umr pas-e-diwar guzari

wo baala-e-baam na aae

tum to 'aziz' mai-KHana ho

kaise tum tak jam na aae