aisi nahin hoti kisi ranjur ki surat

aisī nahīñ hotī kisī ranjūr kī sūrat

furqat meñ jo hai āshiq-e-mahjūr kī sūrat

Tāñke mere phir TuuT ga.e zaḳhm-e-jigar ke

phir bahne lage aañkh se nāsūr kī sūrat

allāh-re tārīkī-e-ḳhurshīd-e-judā.ī

hai sub.h meñ apnī shab-e-daijūr kī sūrat

ham auroñ se mil jā.eñge ham se na mile vah

kis but meñ nahīñ us but-e-maġhrūr kī sūrat

kyā pariyoñ ke jhurmuT meñ bhalā baiThiye jā kar

āñkhoñ meñ phirā kartī hai us huur kī sūrat

jo aañkh hai mastī meñ vah ek sāġhar-e-mai hai

dekhe to koī sāqī-e-maḳhmūr kī sūrat

māthā hai qamar āriz-e-pur-nūr hai vashshams

paa.ī hai mere yaar ne kyā nuur kī sūrat

aisi nahin hoti kisi ranjur ki surat

furqat mein jo hai aashiq-e-mahjur ki surat

Tanke mere phir TuT gae zaKHm-e-jigar ke

phir bahne lage aankh se nasur ki surat

allah-re tariki-e-KHurshid-e-judai

hai subh mein apnī shab-e-daijur ki surat

hum auron se mil jaenge hum se na mile wah

kis but mein nahin us but-e-maghrur ki surat

kya pariyon ke jhurmuT mein bhala baiThiye ja kar

aankhon mein phira karti hai us hur ki surat

jo aankh hai masti mein wah ek saghar-e-mai hai

dekhe to koi saqi-e-maKHmur ki surat

matha hai qamar aariz-e-pur-nur hai washshams

pai hai mere yar ne kya nur ki surat