ajab ki yaad mein wo zulf-e-mushk sa na rahe

ajab ki yaad meñ vo zulf-e-mushk sā na rahe

ye kaun sar hai ki jis sar meñ ye havā na rahe

bajā-e-shama jo sāqī-o-dilrubā na rahe

yaqīn ki mahfil-e-mastoñ meñ kuchh safā na rahe

ḳhudā kare ki kahīñ us kā kuchh nishāñ na rahe

jo us ke dar pe kare sajda vo gadā na rahe

kahāñ hai ruuh meñ ushshāq kī nishān-e-qarār

ki dasht-e-rīk-ravāñ beach naqsh-e-pā na rahe

na hue ishq meñ kab chāk-e-jaib-o-dāman-e-sabr

badan meñ barq kī jyuuñ abr kī qabā na rahe

firāq-e-yār meñ kis jā khile dil-e-āshiq

jūnhīñ bādiya meñ aah kuchh qazā na rahe

nasīm-e-kākul-e-mushkīñ suuñ gar vahāñ pahuñche

kabhī bhī dasht meñ phir āhū-e- ḳhatā na rahe

jo āh-e-sard merī vaañ talak kabhī pahuñche

chaman meñ sub.h ke ta.iiñ juñbish-e-sabā na rahe

jo rāst-bāz haiñ is daur meñ raheñ uryāñ

badan meñ sarv ke hargiz kabhī qabā na rahe

ye rāh-e-ishq hai be-rāstī ke tai na hue

gire hai kor agar haath meñ asā na rahe

jise shu.ūr hai kuchh bhī vo is qadar jaane

qazā hai kuchh bhī agar bañda-e-razā na rahe

ye bādiya moñ mohabbat ke be-dalīl na jā

ki kārvāñ ko ḳhatar hai jo rahnumā na rahe

ḳhatar hai bahre-ḳhird meñ agar na hue junūñ

jahāz ġharq ho gar us meñ nā-ḳhudā na rahe

firāq-e-yār meñ āshiq kā dil khile kis jā

jo sahn-e-gulshan-e-fidaus meñ fazā na rahe

davām-e-vasl mayassar ho kis ke ta.iiñ ai dil

hamesha kaah ke hamrāh kahrubā na rahe

kahāñ zamīñ pe gire jo buland himmat ho

ki shāḳh-e-naḳhl pe hargiz kabhī humā na rahe

ajab ki yaad mein wo zulf-e-mushk sa na rahe

ye kaun sar hai ki jis sar mein ye hawa na rahe

baja-e-shama jo saqi-o-dilruba na rahe

yaqin ki mahfil-e-maston mein kuchh safa na rahe

KHuda kare ki kahin us ka kuchh nishan na rahe

jo us ke dar pe kare sajda wo gada na rahe

kahan hai ruh mein ushshaq ki nishan-e-qarar

ki dasht-e-rik-rawan beach naqsh-e-pa na rahe

na hue ishq mein kab chaak-e-jaib-o-daman-e-sabr

badan mein barq ki jyun abr ki qaba na rahe

firaq-e-yar mein kis ja khile dil-e-ashiq

junhin baadiya mein aah kuchh qaza na rahe

nasim-e-kakul-e-mushkin sun gar wahan pahunche

kabhi bhi dasht mein phir aahu-e- KHata na rahe

jo aah-e-sard meri wan talak kabhi pahunche

chaman mein subh ke tain junbish-e-saba na rahe

jo rast-baz hain is daur mein rahen uryan

badan mein sarw ke hargiz kabhi qaba na rahe

ye rah-e-ishq hai be-rasti ke tai na hue

gire hai kor agar hath mein asa na rahe

jise shuur hai kuchh bhi wo is qadar jaane

qaza hai kuchh bhi agar banda-e-raza na rahe

ye baadiya mon mohabbat ke be-dalil na ja

ki karwan ko KHatar hai jo rahnuma na rahe

KHatar hai bahre-KHird mein agar na hue junun

jahaz gharq ho gar us mein na-KHuda na rahe

firaq-e-yar mein aashiq ka dil khile kis ja

jo sahn-e-gulshan-e-fidaus mein faza na rahe

dawam-e-wasl mayassar ho kis ke tain ai dil

hamesha kah ke hamrah kahruba na rahe

kahan zamin pe gire jo buland himmat ho

ki shaKH-e-naKHl pe hargiz kabhi huma na rahe