zamin tai kar ke guzra aasman se

zamīñ tai kar ke guzrā āsmāñ se

kahāñ insān pahuñchā hai kahāñ se

ham uTheñ kyā dar-e-pīr-e-muġhāñ se

nahii. haTtīñ ghaTā.eñ āsmāñ se

ye charḳh-e-pīr kuchh vāqif nahii. hai

javānī kā maza pūchho javāñ se

chhupī hai abr meñ Dar Dar ke bijlī

hamāre nāla-e-ātish-fashāñ se

asīrī kā maza ye kah rahā hai

qafas meñ uḌ ke pahuñchūñ āshiyāñ se

sitam ab mujh pe du-gune ho rahe haiñ

zamīñ kyā mil ga.ī hai āsmāñ se

zamin tai kar ke guzra aasman se

kahan insan pahuncha hai kahan se

hum uThen kya dar-e-pir-e-mughan se

nahi haTtin ghaTaen aasman se

ye charKH-e-pir kuchh waqif nahi hai

jawani ka maza puchho jawan se

chhupi hai abr mein Dar Dar ke bijli

hamare nala-e-atish-fashan se

asiri ka maza ye kah raha hai

qafas mein uD ke pahunchun aashiyan se

sitam ab mujh pe du-gune ho rahe hain

zamin kya mil gai hai aasman se