sabr kar waiz nadan abhi jaldi kya hai

sabr kar vaa.iz nādāñ abhī jaldī kyā hai

ka.abe bhī jā.eñge uTheñge jo mai-ḳhāne se

jalva-gar hai kaun kis kī jalva-farmā.ī huī

dekh kar hairat-zada chashm-e-tamannā.ī huī

ā.īna hai sāmne jis vaqt tanhā.ī huī

ye zamāna se na.ī tarz-e-ḳhud-ārā.ī huī

hashr meñ fariyād hotī hai ye kis ke zulm kī

dāvar-e-mahshar ye kis kī aaj rusvā.ī huī

is tamannā kī tamannā mere dil meñ kyuuñ na ho

jis tamannā kī tamannā bhī tamannā.ī huī

muntazir ham haiñ qiyāmat aaj uThtī hai na kal

hai kisī kī Thokaroñ kī vo bhī Thukrā.ī huī

sajda-e-dair-o-haram maqbūl hoñge yā nahīñ

is taraf bhī us taraf bhī nāsiya-sā.ī huī

hazrat-e-'aḳhtar' kahāñ chal dī vo tauba aap kī

shuġhl mai-noshī huā phir bāda-paimā.ī huī

sabr kar waiz nadan abhi jaldi kya hai

kabe bhi jaenge uThenge jo mai-KHane se

jalwa-gar hai kaun kis ki jalwa-farmai hui

dekh kar hairat-zada chashm-e-tamannai hui

aaina hai samne jis waqt tanhai hui

ye zamana se nai tarz-e-KHud-arai hui

hashr mein fariyaad hoti hai ye kis ke zulm ki

dawar-e-mahshar ye kis ki aaj ruswai hui

is tamanna ki tamanna mere dil mein kyun na ho

jis tamanna ki tamanna bhi tamannai hui

muntazir hum hain qiyamat aaj uThti hai na kal

hai kisi ki Thokaron ki wo bhi Thukrai hui

sajda-e-dair-o-haram maqbul honge ya nahin

is taraf bhi us taraf bhi nasiya-sai hui

hazrat-e-'aKHtar' kahan chal di wo tauba aap ki

shughl mai-noshi hua phir baada-paimai hui