صبر کر واعظ ناداں ابھی جلدی کیا ہے

صبر کر واعظ ناداں ابھی جلدی کیا ہے

کعبے بھی جائیں گے اٹھیں گے جو مے خانے سے

جلوہ گر ہے کون کس کی جلوہ فرمائی ہوئی

دیکھ کر حیرت زدہ چشم تمنائی ہوئی

آئینہ ہے سامنے جس وقت تنہائی ہوئی

یہ زمانہ سے نئی طرز خود آرائی ہوئی

حشر میں فریاد ہوتی ہے یہ کس کے ظلم کی

داور محشر یہ کس کی آج رسوائی ہوئی

اس تمنا کی تمنا میرے دل میں کیوں نہ ہو

جس تمنا کی تمنا بھی تمنائی ہوئی

منتظر ہم ہیں قیامت آج اٹھتی ہے نہ کل

ہے کسی کی ٹھوکروں کی وہ بھی ٹھکرائی ہوئی

سجدۂ دیر و حرم مقبول ہوں گے یا نہیں

اس طرف بھی اس طرف بھی ناصیہ سائی ہوئی

حضرت اخترؔ کہاں چل دی وہ توبہ آپ کی

شغل مے نوشی ہوا پھر بادہ پیمائی ہوئی