chain se rahne na de ga iztirab-e-dil mujhe

chain se rahne na de gā iztirāb-e-dil mujhe

varna furqat meñ bhī jī lenā na thā mushkil mujhe

be-niyāz rāh-e-manzil huuñ merī manzil na pūchh

DhūñDhtī phirtī hai har har gaam par manzil mujhe

al-madad josh-e-junūñ valhazar-dām-e-ḳhirad

ab nazar aatī hai har mauj-e-fanā sāhil mujhe

ik nigāh-e-vāpsīñ ne toḌ hī Daalā fareb

ek mashiyyat par samajhtā thā faqat qātil mujhe

tere us ġham ke tasadduq terī iizā ke nisār

tuune ġham de kar banāyā jauhar-e-qābil mujhe

merī izzat varna bairūn-e-chaman kyā thī nasīb

jo hui sadqe meñ us gul ke huī hāsal mujhe

nāzāñ hoñ aaj apne muqaddar pe kyuuñ na ham

phir dekhne lage haiñ jafā kī nazar se aap

un kī bhī chashm-e-nāz se aañsū nikal paḌe

kyuuñ chheḌ dī kasī ne mirī chashm-e-nam kī baat

chain se rahne na de ga iztirab-e-dil mujhe

warna furqat mein bhi ji lena na tha mushkil mujhe

be-niyaz rah-e-manzil hun meri manzil na puchh

DhunDhti phirti hai har har gam par manzil mujhe

al-madad josh-e-junun walhazar-dam-e-KHirad

ab nazar aati hai har mauj-e-fana sahil mujhe

ek nigah-e-wapsin ne toD hi Dala fareb

ek mashiyyat par samajhta tha faqat qatil mujhe

tere us gham ke tasadduq teri iza ke nisar

tune gham de kar banaya jauhar-e-qabil mujhe

meri izzat warna bairun-e-chaman kya thi nasib

jo hui sadqe mein us gul ke hui hasal mujhe

nazan hon aaj apne muqaddar pe kyun na hum

phir dekhne lage hain jafa ki nazar se aap

un ki bhi chashm-e-naz se aansu nikal paDe

kyun chheD di kasi ne meri chashm-e-nam ki baat