chand se un ke chehre par gesu-e-mushk-e-fam do
chāñd se un ke chehre par gesu-e-mushk-e-fām do
ek anokhī hai sahar jis se baham haiñ shaam do
un kī jabīn-e-nāz par zulf-e-siyāh bikhar ga.ī
shab ke hasīn parde meñ chamke mah-e-tamām do
donoñ taraf haiñ chehre par gesu-e-mushk-e-fām do
jam' hai ek aan meñ ziddeñ sabāh-o-shām do
talvaoñ ke un se hai bañdhī shams-o-qamar kī raushnī
haiñ ye unhī kī tābisheñ haiñ ye unhī ke naam do
pī ke pilā ke mai-kasho talchhaT durūn-e-jām do
qatra do-qatra yuuñ hī sī kuchh to barā.e naam do
un kī amaan meñ diye jin ke karam se mil ga.e
un ke chaman ke pāsbāñ hussām aur hamām do
kashtī merī hayāt kī ab to kināre lag ga.ī
kahtī hai tum se zindagī ab to ma.e davām do
maidān-e-nāt-e-shāh-e-dīñ 'aḳhtar' hai pur-ḳhatar zamīñ
ye majlis-e-ġhazal nahīñ muñh ko zarā lagām do
chand se un ke chehre par gesu-e-mushk-e-fam do
ek anokhi hai sahar jis se baham hain sham do
un ki jabin-e-naz par zulf-e-siyah bikhar gai
shab ke hasin parde mein chamke mah-e-tamam do
donon taraf hain chehre par gesu-e-mushk-e-fam do
jam' hai ek aan mein zidden sabah-o-sham do
talwaon ke un se hai bandhi shams-o-qamar ki raushni
hain ye unhi ki tabishen hain ye unhi ke nam do
pi ke pila ke mai-kasho talchhaT durun-e-jam do
qatra do-qatra yun hi si kuchh to barae nam do
un ki aman mein diye jin ke karam se mil gae
un ke chaman ke pasban hussam aur hamam do
kashti meri hayat ki ab to kinare lag gai
kahti hai tum se zindagi ab to mae dawam do
maidan-e-nat-e-shah-e-din 'aKHtar' hai pur-KHatar zamin
ye majlis-e-ghazal nahin munh ko zara lagam do
- Book : Safina-e-Bakhshish (Pg. 35)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
