ye bazm-e-’ishq-e-haq hai hairan shud ast ma ra

ye bazm-e-’ishq-e-haq hai hairāñ shud ast mā rā

har zarra dīda-e-nūr afshāñ shud ast mā rā

har mauj bahr-e-furqat tūfāñ shud ast mā rā

har ashk soz-e-dil meñ marjāñ shud ast mā rā

har naqsh-e-kā.ināt ab be-rañg-o-be- safā hai

bas jalva-e-jamālī 'unvāñ shud ast mā rā

sajde meñ gir paḌe ham nazzāra-e-haram par

patthar bhī ḳhaak ho kar darbāñ shud ast mā rā

har saañs meñ tajallī har zaḳhm meñ tabassum

dasht-e-junūñ bhī jaise bustāñ shud ast mā rā

mai-kHāna-e-haqīqat meñ jo sabūh pī hai

ik qatra jām-e-vahdat tūfāñ shud ast mā rā

ab chāh-e-nīlgūñ meñ ummīd kī qabā kyā

zanjīr bhī shikasta zindāñ shud ast mā rā

dil ke ḳharāb ḳhāne meñ shame’n jal uThī haiñ

vīrāniyāñ bhī rañgīñ aivāñ shud ast mā rā

har rahguzar pe paayā ḳhushbū tirī vafā kī

ab sañg bhī machal kar gul-dāñ shud ast mā rā

har dāġh-e-dil ke badle ik zaḳhm-e-nau milā hai

ab ḳhūn-e-dil bhī āḳhir darmāñ shud ast mā rā

‘naushā’ junūñ kī manzil dushvār kab rahī hai

har kHaar rāh-e-ulfat bustāñ shud ast mā rā

ye bazm-e-’ishq-e-haq hai hairan shud ast ma ra

har zarra dida-e-nur afshan shud ast ma ra

har mauj bahr-e-furqat tufan shud ast ma ra

har ashk soz-e-dil mein marjaan shud ast ma ra

har naqsh-e-kainat ab be-rang-o-be- safa hai

bas jalwa-e-jamali 'unwan shud ast ma ra

sajde mein gir paDe hum nazzara-e-haram par

patthar bhi KHak ho kar darban shud ast ma ra

har sans mein tajalli har zaKHm mein tabassum

dasht-e-junun bhi jaise bustan shud ast ma ra

mai-kHana-e-haqiqat mein jo sabuh pi hai

ek qatra jam-e-wahdat tufan shud ast ma ra

ab chah-e-nilgun mein ummid ki qaba kya

zanjir bhi shikasta zindan shud ast ma ra

dil ke KHarab KHane mein shame’n jal uThi hain

viraniyan bhi rangin aiwan shud ast ma ra

har rahguzar pe paya KHushbu teri wafa ki

ab sang bhi machal kar gul-dan shud ast ma ra

har dagh-e-dil ke badle ek zaKHm-e-nau mila hai

ab KHun-e-dil bhi aaKHir darman shud ast ma ra

‘nausha’ junun ki manzil dushwar kab rahi hai

har kHar rah-e-ulfat bustan shud ast ma ra