dil un ka dil main dard un ka phir dard ka darman kyun kijiye

dil un kā dil maiñ dard un kā phir dard kā darmāñ kyuuñ kījiye

ye rāz-e-mohabbat raaz rahe ashkoñ se numāyāñ kyuuñ kījiye

ghar apne bulā kar mehmāñ ko mahjūb-o-pashemāñ kyuuñ kījiye

jab dil meñ nahīñ ik qatra-e-ḳhūñ phir dā’vat-e-paikāñ kyuuñ kījiye

taklīf-e-nasheman zer-e-falak phir bulbul-e-nālāñ kyuuñ kījiye

har barq ko dā'vat kyuuñ dījiye har shāḳh ko larzāñ kyuuñ kījiye

hai tuur vahī jalve bhī vahī ai tālib-e-jalva hosh meñ aa

jab vādī-e-aiman dil hī nahīñ jalvoñ ko pareshāñ kyuuñ kījiye

rahbar bhī vahī manzil bhī vahī kashtī bhī vahī sāhil bhī vahī

phir bahr-e-jahāñ meñ fikr-e-talātum yā ġham-e-tūfāñ kyuuñ kījiye

faizān-e-tasavvur kahiye use mahjūr kabhī mahjūr nahīñ

hai shakl jab un kī pesh-e-nazar phir shikva-e-hijrāñ kyuuñ kījiye

us gul kī bazm-afrozī par us mah pe nichhāvar hone ko

jab taare falak se TuuT paḌeñ ābād charāġhāñ kyuuñ kījiye

dil un ka dil main dard un ka phir dard ka darman kyun kijiye

ye raaz-e-mohabbat raaz rahe ashkon se numayan kyun kijiye

ghar apne bula kar mehman ko mahjub-o-pasheman kyun kijiye

jab dil mein nahin ek qatra-e-KHun phir da’wat-e-paikan kyun kijiye

taklif-e-nasheman zer-e-falak phir bulbul-e-nalan kyun kijiye

har barq ko da'wat kyun dijiye har shaKH ko larzan kyun kijiye

hai tur wahi jalwe bhi wahi ai talib-e-jalwa hosh mein aa

jab wadi-e-aiman dil hi nahin jalwon ko pareshan kyun kijiye

rahbar bhi wahi manzil bhi wahi kashti bhi wahi sahil bhi wahi

phir bahr-e-jahan mein fikr-e-talatum ya gham-e-tufan kyun kijiye

faizan-e-tasawwur kahiye use mahjur kabhi mahjur nahin

hai shakl jab un ki pesh-e-nazar phir shikwa-e-hijran kyun kijiye

us gul ki bazm-afrozi par us mah pe nichhawar hone ko

jab tare falak se TuT paDen aabaad charaghan kyun kijiye