دل ان کا دل میں درد ان کا پھر درد کا درماں کیوں کیجیے

دل ان کا دل میں درد ان کا پھر درد کا درماں کیوں کیجیے

یہ رازِ محبت راز رہے اشکوں سے نمایاں کیوں کیجیے

گھر اپنے بلا کر مہماں کو محبوب و پشماں کیوں کیجیے

جب دل میں نہیں اک قطرۂ خوں پھر دعوت پیکاں کیوں کیجیے

تکلیف نشیمن زیرِ فلک پھر بلبلِ نالاں کیوں کیجیے

ہر برق کو دعوت کیوں دیجیے ہر شاخ کو لرزاں کیوں کیجیے

ہے طور وہی جلوے بھی وہی، اے طالبِ جلوہ ہوش میں آ

جب دادئی ایمن دل ہی نہں جلوؤں کو پریشاں کیوں کیجیے

رہبر بھی وہی، منزل بھی وہی، کشتی بھی وہی، ساحل بھی وہی

پھر بحرِ جہاں میں فکرِ تلاطم یا غمِ طوفاں کیوں کیجیے

فیضانِ تصور کہیے اسے مہجور کبھی مہجور نہیں

ہے شکل جب اُن کی پیشِ نظر پھر شکوۂ ہجراں کیوں کیجیے

اس گل کی بزم افروزی ہر امہ پہ نچھاور ہونے کو

جب تارے فلک سے ٹوٹ پڑیں آباد چراغاں کیوں کیجیے