wo tera jamal-e-KHuda-numa jo KHuda KHuda nazar aa gaya

vo tirā jamāl-e-ḳhudā-numā jo ḳhudā ḳhudā nazar aa gayā

ba-ḳhudā ḳhudā nazar aa gayā ba-ḳhudā ḳhudā nazar aa gayā

jo fanā ke baa'd baqā huī tirī zaat jalva-numā huī

ye vujūd fānī-e-sar-basar mujhe shakl-e-lā nazar aa gayā

jise ġhair kahte the hai ḳhudā na vujūd us kā kahīñ milā

isī apnī sūrat-o-shakl meñ vo mirā ḳhudā nazar aa gayā

kahūñ kyā ki kaun huuñ kaun maiñ jo kahūñ ki maiñ huuñ na maiñ huuñ maiñ

ye samajh meñ aayā ki tū hai tū jo hijāb-e-vā nazar aa gayā

vahī ek mehr-e-munīr hai vahī aap apnā nazīr hai

vo har ek shakl meñ jalva-gar mujhe ḳhud-numā nazar aa gayā

yahī ahl-e-rāz kī baat hai ki nahīñ sivā.e zuhūr-e-haq

use ḳhud-numā.ī kā shauq thā jo ye mā-sivā nazar aa gayā

jise log kahte the 'ashrafī' use chashm-e-ġhaur se dekh kar

lage kahne ahl-e-nazar yahī ki ye kyā thā kyā nazar aa gayā

wo tera jamal-e-KHuda-numa jo KHuda KHuda nazar aa gaya

ba-KHuda KHuda nazar aa gaya ba-KHuda KHuda nazar aa gaya

jo fana ke ba'd baqa hui teri zat jalwa-numa hui

ye wujud fani-e-sar-basar mujhe shakl-e-la nazar aa gaya

jise ghair kahte the hai KHuda na wujud us ka kahin mila

isi apni surat-o-shakl mein wo mera KHuda nazar aa gaya

kahun kya ki kaun hun kaun main jo kahun ki main hun na main hun main

ye samajh mein aaya ki tu hai tu jo hijab-e-wa nazar aa gaya

wahi ek mehr-e-munir hai wahi aap apna nazir hai

wo har ek shakl mein jalwa-gar mujhe KHud-numa nazar aa gaya

yahi ahl-e-raaz ki baat hai ki nahin siwae zuhur-e-haq

use KHud-numai ka shauq tha jo ye ma-siwa nazar aa gaya

jise log kahte the 'ashrafi' use chashm-e-ghaur se dekh kar

lage kahne ahl-e-nazar yahi ki ye kya tha kya nazar aa gaya