kabhi puchhunga main umr-e-rawan se

kabhī pūchhūñgā maiñ umr-e-ravāñ se

kahāñ jā.egī aa.ī hai kahāñ se

mirī faryād hai tujh se ilāhī

ki aajiz aa gayā jaur-e-butāñ se

koī bīmār-e-ulfat chal basā hai

vo aate hī rahe apne makāñ se

qafas mujh ko muqaddar ne dikhāyā

bahut māyūs thā maiñ bostāñ se

mohabbat kā asar ham ne ye dekhā

nazar aate haiñ vo ab mehrbāñ se

qafas meñ ho ga.ī taskīn dil ko

havā-e-gul jab aa.ī bostāñ se

tire jaur-o-sitam bhī ai sitam-gar

tajāvuz kar ga.e ab āsmāñ se

kaho 'biryāñ' na tum ġham kī kahānī

vo ghabrāte haiñ aisī dāstāñ se

kabhi puchhunga main umr-e-rawan se

kahan jaegi aai hai kahan se

meri faryaad hai tujh se ilahi

ki aajiz aa gaya jaur-e-butan se

koi bimar-e-ulfat chal basa hai

wo aate hi rahe apne makan se

qafas mujh ko muqaddar ne dikhaya

bahut mayus tha main bostan se

mohabbat ka asar hum ne ye dekha

nazar aate hain wo ab mehrban se

qafas mein ho gai taskin dil ko

hawa-e-gul jab aai bostan se

tere jaur-o-sitam bhi ai sitam-gar

tajawuz kar gae ab aasman se

kaho 'biryan' na tum gham ki kahani

wo ghabraate hain aisi dastan se