mai-kada par dekh kar kali ghaTa chhai hui

mai-kada par dekh kar kaalī ghaTā chhā.ī huī

merī tauba bāda-noshī kī tamannā.ī huī

jalva-e-husn haqīqat kī tamāshā.ī huī

ḳhud tabī.at merī hī mujh par hai ab aa.ī huī

mere saaqī sāġhar-e-dil ko talab us may kī hai

ashk kī sūrat jo āñkhoñ se ho Tapkā.ī huī

kyā mujhe bāġh-e-mohabbat meñ ho umīd-e-samar

ek hai shāḳh-e-tamannā vo bhī murjhā.ī huī

kar diyā nā-āshnā-e-har-do-ālm ishq meñ

ai junūñ jab se tirī mujh se shanāsā.ī huī

hukm de baiThe vo zabt-e-nāla-o-faryād kā

ruuh qālib meñ mare phirtī hai ghabrā.ī huī

husn-o-sūrat kā asar kahte haiñ ai 'biryāñ' use

ik ḳhudā.ī ek kāfir kī tamāshā.ī huī

mai-kada par dekh kar kali ghaTa chhai hui

meri tauba baada-noshi ki tamannai hui

jalwa-e-husn haqiqat ki tamashai hui

KHud tabiat meri hi mujh par hai ab aai hui

mere saqi saghar-e-dil ko talab us may ki hai

ashk ki surat jo aankhon se ho Tapkai hui

kya mujhe bagh-e-mohabbat mein ho umid-e-samar

ek hai shaKH-e-tamanna wo bhi murjhai hui

kar diya na-ashna-e-har-do-alm ishq mein

ai junun jab se teri mujh se shanasai hui

hukm de baiThe wo zabt-e-nala-o-faryaad ka

ruh qalib mein mare phirti hai ghabrai hui

husn-o-surat ka asar kahte hain ai 'biryan' use

ek KHudai ek kafir ki tamashai hui