ساقی کے آستاں پہ آج رکھ کے سرِ نیاز دیکھ

ساقی کے آستاں پہ آج رکھ کے سرِ نیاز دیکھ

آنکھوں کا آنکھیں ڈال گر جلوہِ بے نیاز دیکھ

دعویِٰ عشق ہے اگر مٹ جا تلاشِ یار میں

چشمِ حقیقت آشنا مٹتے میں جو ہے راز دیکھ

صدقہ نگاہِ ناز کا بھیک ہمیں بھی ہو عطا

کیجے کرم کرم نواز دست طلب و راز دیکھ

در پہ تیرے لگا ہوا مستوں کا آج جمگھٹا

ساقیٔ بے نیاز دیکھ ساقیٔ دلنواز دیکھ

کون ہے آج پی رہا اور پلا رہا ہے کون

عالمِ بے خودی ہے یوں کس کو ہے امتیاز دیکھ

پردے تصورات کے اٹھتے ہی ان کی بزم میں

ہوش و حواس و جان و دل کر دیے وقفِ ناز دیکھ

میری امیؔر صابری صدقے ہوئی ہے کائنات

آج حریمِ ناز میں صابر پیا کے ناز دیکھ