majaz se jo haqiqat ka humne kaam liya

majāz se jo haqīqat kā ham ne kaam liyā

butoñ kī dekh ke sūrat ḳhudā kā naam liyā

sivā.e ḳhūn-e-jigar ke milī na aur sharāb

misāl-e-lāla ba-kaf jab se ham ne jaam liyā

sanam kī dekh ke mehrāb-e-abrū-e-ḳham-dār

girā thā sajde ko par mujh ko haq ne thaam liyā

qazā ke panje se chhūTā nahīñ koī hargiz

jo sub.h us se bache to ba-vaqt-e-shām liyā

'ajab hai faqr kā 'ālam ki ham ne yaañ 'asġhar'

ḳhudī ko bhuul ga.e jab ḳhudā kā naam liyā

majaz se jo haqiqat ka hum ne kaam liya

buton ki dekh ke surat KHuda ka nam liya

siwae KHun-e-jigar ke mili na aur sharab

misal-e-lala ba-kaf jab se hum ne jam liya

sanam ki dekh ke mehrab-e-abru-e-KHam-dar

gira tha sajde ko par mujh ko haq ne tham liya

qaza ke panje se chhuTa nahin koi hargiz

jo subh us se bache to ba-waqt-e-sham liya

'ajab hai faqr ka 'alam ki hum ne yan 'asghar'

KHudi ko bhul gae jab KHuda ka nam liya