ishq ka KHanjar rag-e-jaan par laga roz-e-azal

'ishq kā ḳhanjar rag-e-jāñ par lagā roz-e-azal

ek qatra ḳhuun kā us se Tapak kar dil banā

ta'araful-ashiyāu-bil-azdād se sābit huā

zāt-e-haq kī ma.arifat ke vāste bātil banā

aaj jo karatā huuñ maiñ paatā huuñ kal us kī jazā

māziyā afa.āl hī se merā mustaqbil banā

haq ho yā bātil ho in donoñ kā ḳhāliq ek hai

mujh ko hairat hai ki haq se kis tarah bātil banā

mil hī jā.egā koī hamdard āḳhir ek din

pahle 'amjad' apne dil ko dard ke qābil banā

'ishq ka KHanjar rag-e-jaan par laga roz-e-azal

ek qatra KHun ka us se Tapak kar dil bana

ta'araful-ashiyau-bil-azdad se sabit hua

zat-e-haq ki marifat ke waste baatil bana

aaj jo karata hun main pata hun kal us ki jaza

maziya afaal hi se mera mustaqbil bana

haq ho ya baatil ho in donon ka KHaliq ek hai

mujh ko hairat hai ki haq se kis tarah baatil bana

mil hi jaega koi hamdard aaKHir ek din

pahle 'amjad' apne dil ko dard ke qabil bana