barbaad na kar bekas ka chaman be-dard KHizan se kaun kahe
barbaad na kar bekas ka chaman be-dard KHizan se kaun kahe
Amjad Hyderabadi
MORE BYAmjad Hyderabadi
barbād na kar bekas kā chaman be-dard ḳhizāñ se kaun kahe
tārāj na kar merā ḳhirman us barq-e-tapāñ se kaun kahe
mujh ḳhasta-jigar kī jaan na le ye kaun ajal ko samjhā.e
kuchh der Thahr jā ai dariyā dariyā-e-ravāñ se kaun kahe
siine meñ bahut ġham haiñ pinhāñ aur dil meñ hazāroñ armāñ haiñ
us qahr-e-mujassam ke aage haal apnā zabāñ se kaun kahe
har chand hamārī hālat par rahm aatā hai har ghaḌī ko lekin
kaun aap ko aafat meñ Daale us āfat-e-jāñ se kaun kahe
qāsid ke bayāñ kā ai 'amjad' kyuuñ kar ho asar un ke dil par
jis dard se tum ḳhud kahte ho us tarz-e-bayāñ se kaun kahe
barbaad na kar bekas ka chaman be-dard KHizan se kaun kahe
taraj na kar mera KHirman us barq-e-tapan se kaun kahe
mujh KHasta-jigar ki jaan na le ye kaun ajal ko samjhae
kuchh der Thahr ja ai dariya dariya-e-rawan se kaun kahe
sine mein bahut gham hain pinhan aur dil mein hazaron arman hain
us qahr-e-mujassam ke aage haal apna zaban se kaun kahe
har chand hamari haalat par rahm aata hai har ghaDi ko lekin
kaun aap ko aafat mein Dale us aafat-e-jaan se kaun kahe
qasid ke bayan ka ai 'amjad' kyun kar ho asar un ke dil par
jis dard se tum KHud kahte ho us tarz-e-bayan se kaun kahe
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
