برباد نہ کر بیکس کا چمن بیدرد خزاں سے کون کہے

برباد نہ کر بیکس کا چمن بیدرد خزاں سے کون کہے

تاراج نہ کر میرا خرمن، اس برق تپاں سے کون کہے

مجھ خستہ جگر کی جان نہ لے، یہ کون اجل کو سمجھائے

کچھ دیر ٹھہر جا اے دریا، دریائے رواں سے کون کہے

سینے میں بہت غم ہیں پنہاں اور دل میں ہزاروں ارماں ہیں

اس قہر مجسم کے آگے حال اپنا زباں سے کون کہے

ہر چند ہماری حالت پر رحم آتا ہے ہر اک کو لیکن

کون آپ آفت میں ڈالے، آس آفت جاں سے کون کہے

قاصد کے بیاں کا اے امجدؔ کیوں کر ہو اثر ان کے دل پر

جس درد سے تم خود کہتے ہو اس طرزِ بیاں سے کون کہے