kasak ek aisi andar pal rahi hai

kasak ik aisī andar pal rahī hai

ki ab ḳhud se laḌā.ī chal rahī hai

banā rakhe haiñ mansūbe kuchh aise

hamārī ḳhud-kushī ab Tal rahī hai

dekhā jab ā.īna maiñ hans paḌā thā

amal par mere duniyā chal rahī hai

nahīñ vo dekhtā bhūle se mujh ko

mujhe ye baat uskī khal rahī hai

hue haiñ baal ab chāñdī ke jaise

yahī ġham hai javānī Dhal rahī hai

diye jalte raheñge uskī lau se

abhī ik sham.a aisī jal rahī hai

hai diqqat har ghaḌī har-har qadam par

magar 'iz.hār' duniyā chal rahī hai

kasak ek aisi andar pal rahi hai

ki ab KHud se laDai chal rahi hai

bana rakhe hain mansube kuchh aise

hamari KHud-kushi ab Tal rahi hai

dekha jab aaina main hans paDa tha

amal par mere duniyā chal rahi hai

nahin wo dekhta bhule se mujh ko

mujhe ye baat uski khal rahi hai

hue hain baal ab chandi ke jaise

yahi gham hai jawani Dhal rahi hai

diye jalte rahenge uski lau se

abhi ek shama aisi jal rahi hai

hai diqqat har ghaDi har-har qadam par

magar 'izhaar' duniya chal rahi hai