ye dil kabe ka kaba hai ye but-KHane ka but-KHana

ye dil ka.abe kā ka.aba hai ye but-ḳhāne kā but-ḳhāna

ise kahte haiñ āshiq jalva-gāh-e-husn jānāna

nazar aatā hai ik a.alam jahāñ ḳhud se begāna

ta.ajjub-ḳhez hai faiz nigāh-e-pīr-e-mai-kHāna

huā karatā hai in rindoñ kā maslak hī judā-gāna

sikhā de jin ko mai-kashī ādāb mai-ḳhāna

koī samjhe zarā dair-o-haram se ho ke begāna

sabaq-āmoz hai kitnā shu.ūr-e-marg parvāna

ye saaqī kā karam hai yā kamāl-e-zarf mai-noshī

simaT aayā hai paimāne meñ mai-ḳhāne kā mai-ḳhāna

haqīqat āshnā-e-kā.ināt-e-rañg-o-bū ham haiñ

baḌī vus.at kā mālik hai hamārā zarf-e-rindāna

are dar-parda chhup kar sāz-e-hastī chheḌne vaale

tujhe saugand ab to sāmne aa be-hijābāna

vo kaifiyat huī hāsil sharāb-e-rūh parvar se

ki mastī meñ ka.e sajde ba-pā-e-pīr-e-mai-kHāna

gumāñ hotā hai har naqsh hasīñ par un kī sūrat kā

tilism-e-rañg-o-bū hai yā faraib-e-husn-e-jānānā

simaT aate haiñ ḳhudī hī manzil-e-jānāñ ke nazāre

guzartā hai jahāñ hadd-e-junūñ se koī dīvāna

ye dil kabe ka kaba hai ye but-KHane ka but-KHana

ise kahte hain aashiq jalwa-gah-e-husn jaanana

nazar aata hai ek aalam jahan KHud se begana

tajjub-KHez hai faiz nigah-e-pir-e-mai-kHana

hua karata hai in rindon ka maslak hi juda-gana

sikha de jin ko mai-kashi aadab mai-KHana

koi samjhe zara dair-o-haram se ho ke begana

sabaq-amoz hai kitna shuur-e-marg parwana

ye saqi ka karam hai ya kamal-e-zarf mai-noshi

simaT aaya hai paimane mein mai-KHane ka mai-KHana

haqiqat aashna-e-kainat-e-rang-o-bu hum hain

baDi wusat ka malik hai hamara zarf-e-rindana

are dar-parda chhup kar saz-e-hasti chheDne wale

tujhe saugand ab to samne aa be-hijabana

wo kaifiyat hui hasil sharab-e-ruh parwar se

ki masti mein kae sajde ba-pa-e-pir-e-mai-kHana

guman hota hai har naqsh hasin par un ki surat ka

tilism-e-rang-o-bu hai ya faraib-e-husn-e-jaanana

simaT aate hain KHudi hi manzil-e-jaanan ke nazare

guzarta hai jahan hadd-e-junun se koi diwana